永利風味大排檔地道茶餐廳

Open Now

Now Closed

原本番屋企食飯，不過同個相熟姨姨食dinner最後，多謝姨姨請食飯😘😘姨姨本身話想食齋，但係今日休息，所以介紹食永利風味大排檔地道茶餐廳，佢話啲小菜炒得幾靚，我又未食過，一於試下。洗完啲碗筷有個阿姐即刻好好服務拎左兩碗靚湯比我地飲，我地兩個邊飲邊睇餐牌揀餸。叫小炒王既好就係咩都有得食下，呢度啲餸炒得好家常小菜👪魷魚，腰果，蝦乾，咸魚仔咸香味十足，而且炒至酥脆，完全唔需要落調味料，加上微甜菜脯粒，送酒一流😈呢碟蜜汁薯仔炒牛柳好有屋企風味，牛柳粒好香美極鮮醬油😋一般屋企都會有美極鮮醬油。薯仔炒得好香，薯仔吸收甜絲絲既蜜糖🍯我同姨姨都覺得好似食緊印尼一款小食，不過可惜阿媽同姨姨都懶得整，好少比我食到。