小川屋 (Closed)

嗰日上完堂有啲肚餓咪搵嘢食囉，大坑附近有好多特色店舖，所以決定去睇下。行經一間小店，發現門口裝修特別。上前望一望餐牌，發現以川菜為主。仲有好特別嘅冰粉特飲，所以決定入去試下。餐廳座位不多，大約20個座位，九點去到還有位置，不用等位。仲有廚師推介。蒜泥白肉：蒜泥白肉中間夾著薄薄嘅青瓜，配合住濃濃嘅蒜蓉味，味道一流。涼拌海蜇：海蜇爽口彈牙，醬汁味濃，海蜇好厚身，食落好有口感。麻辣魚春卜煲：魚春同魚卜麻辣煲好少見到嘅材料，今次見到就梗係要試下啦。魚春同魚卜嘅份量非常多，仲有大量香料，蓋一打開大已經充斥着濃烈嘅麻辣香味，魚春炸過再吸收咗麻辣嘅味道非常野味，魚卜鮮嫩，芽菜同青瓜吸收左精華，食起來爽。最後來一杯冰粉特飲，有薑嘅味道非常清新，冰粉好有咬口，絕對解難必備飲品。餐廳仲有好多美食選擇，而且店員服務非常細心。