渝人碼頭 (Closed)

室內裝潢設計簡單乾淨，坐落舒適～餐前小食，脆辣花生非常香口，但辣度唔小野嫁～叫左兩種湯，右邊係麻辣火鍋湯底，d底料超多，叫左中辣，真係辣勁十足！左邊係松茸菇湯底，未開始煮食材之前個湯仲可以飲嫁，非常清甜～新鮮皇帝菜，一般打邊爐一開始我會食左菜先，咁就唔會索到d油感覺更健康～鴨血，口感極佳，越煮越入味～粟米相當清甜，唔好放錯麻辣果邊呀～白鱔片，處理得好好，碎骨冇咁濟，肉質鮮美同埋無泥味，鱔魚香味濃厚，好食～碼頭至尊牛肉拼盤，有各種牛既部位，包括牛腩頭、牛胸爽、五花腱、同埋牛舌等，呢個係細size, 每款肉類大概有三至四件，一次滿足曬多個願望最特別既係牛胸爽，一舊白色看似脂肪，但其實佢係牛肋骨中間既軟骨，甘香得黎又清爽～碼頭三寶，全部都係麻辣火鍋必備既配料頭兩寶係黃喉同鵝腸，口感超爽脆～最後一寶係黑毛肚，吸滿麻辣湯之後好惹味～最後值得一讚既係上菜速度好快，服務有效率～