Pho Bar (Closed)

啱啱喺上個月去完越南旅行，一直念念不忘越南湯河，基本上喺嗰度每日都會食返一碗。今日嚟到中環，真係心思思想食返一碗。 所以就嚟到Pho bar一試啦基本上呢度嘅座位大部分都係吧檯， 唯一有兩張係四人枱， 由於時間早咗嘅關係我哋都被安排去坐四人枱呢度嘅餐牌畀我感覺就好似係拉麵店咁樣， 都係得幾種， 但咁樣都可以畀人知道佢哋對呢幾種面係幾有信心， 今次我哋就叫咗個至尊越南河同埋喇沙， 另外再加多兩個小食至尊越南河呢個湯麵應該係招牌， 係有好多料， 牛展食落彈牙，牛柏葉都好爽口， 生牛肉亦都好嫩滑， 牛腩嘅肥肉食都適中， 湯底方面， 唔算話好有味精， 都幾清甜喇沙湯麵喇沙湯麵湯底係好濃嘅鮮蝦味， 椰香味都幾突出，調味做得幾好。 豆卜嘅份量都幾多， 鮮蝦都做到彈牙嘅，值得推薦冰山燒豬頸肉呢份豬頸肉嘅份量都幾多， 食落得幾有咬口， 亦都幾有bbq嘅風味， 呢個小食仲好有心思配咗一客生菜畀你， 畀你整個豬頸肉生菜包炸春捲基本上係香港要食越南春捲都係呢一隻㗎啦， 所以只要炸得香脆，其實已經好好食收貨㗎喇青檸梳打我哋加左個特飲， 同樣係大大支， 酸酸甜甜咁樣都幾開胃㗎由於呢度嘅地方都似係快餐店嘅格局，