堅離地 7 PO (Closed)

天寒地凍落雨濕濕仲要係星期日約咗人去渡船角傾野，好彩試咗間好野，補償一下心靈上嘅失落。好好人嘅侍應姐姐推介我地必試buffalo wing，又真係唔錯，肥美嘅buffalo wing的外層以薄薄的炸粉去炸，再於上面淋上佢地自家製buffalo wing汁，辣辣地幾惹味，配少少沙律菜，幾好。啤酒就試咗呢個牌子的手工啤，來自德國嘅，兩隻都唔錯，左面嗰支小麥味好香好濃，右面嗰支都係麥啤不過佢個味道就清爽D，好啱女仔飲。呢間餐廳裝修得好有情調，精緻圖案阿拉伯Feel地毡加馬賽克燈飾好有中東特色，食物方面都以中東同西式為主，下次有機會要試下佢地嘅Main Course。