品川日本料理 (Closed)

黎左如心廣場食品川，其實商場重有好多餐廳都未開放，可能裝修緊啦。不過新商場真係新商場，開係3樓嘅品川就因而獲得地利啦。餐廳有大量嘅落地玻璃，望到荃灣嘅海景，令到成個格調都提升唔少。野食方面，先講大家最期待嘅刺身，選擇多，而且用電話落單，所以無岀現漏單問題，叫幾多就黎幾多。不過部份刺身都有少少瑕疵，會有少少未解得切凍。熟食就選擇多到食唔曬咁多樣，個人最中意蒜片牛柳，牛味濃郁，而且牛肉大大舊，又夠入味，啱曬我呢d食肉獸。另外燒牛舌都非常岀色，外皮微焦，所以有種脆脆地嘅口感。非常唔錯！甜品同野飲都好多野揀，泡芙味道幾好，另有糖水綠豆沙選擇，放題黎講，算係中上水平啦。整體黎講，品川比到住係荃灣嘅朋友更多選擇，食放題，唔一定要岀旺角嘅！