Patisserie Tony Wong

Open Now

Now Closed

放假約左朋友係九龍城食飯傾計，食飽飽路經呢間出名的Tony Wong蛋糕店! 記得好多年前有位好朋友知道我生日好想要一個粉紅色玫瑰花蛋糕, 係我生日時候俾左呢個驚喜我, 送左俾我, 當時真係好感動, 亦都好多謝佢對我既好~ 今次黎到就見到紫色玫瑰花蛋糕, 依然漂亮, 我都買左兩件蛋糕, 返家和媽咪一齊品嘗. *芒果拿破崙：芒果拿破崙都係呢間餅店的singature之一, 芒果新鮮, 薄脆鬆化的酥皮間夾著香滑自家製雲呢嗱吉士忌廉, 入口就嚐到芒果的鮮甜，伴帶吉士的香氣，震撼味蕾, 口感層次豐富, 好味。*開心果千層蛋糕 :千層蛋糕有濃濃的開心果味, 面頭佈滿開心果碎粒, 每層又有開心果醬，好順滑, 入口香濃，更有口感, 不會太甜, 真係唔錯, 喜歡食。原來除左蛋糕之外, 仲有月餅, 曲奇, 蝴蝶酥, 千層花酥賣, 產品都好多樣化. 我就順便買埋Floret Blossom的千層花酥, 入面有5包獨立包裝，每包都有一塊靚靚的千層花酥, 花酥口感鬆軟，面頭有小小開心果仁碎, 食落更有味道~ 我很喜歡, 會再買黎送俾好朋友試下~