Video
Read full review
2004-11-11
12 views
尋日放工，約左兩個行家交換情報，來了這裡。呢度兩層，樓下餐廳，樓上就係吧。星期三都唔算多人，無訂檯室內或室外都有位，開頭我地坐室內的，但後尾就搬左出去坐。室內的疏化位幾適服，加上柔和燈光同不錯的裝修，係一個不錯的傾計地方。今晚都唔算大風，所以坐室外都唔會吹到頭暈。有啤酒有雞尾或各式餐酒，雞尾無什特色，都係幾種果汁加奶，所以飲左兩杯，在座那位女士都加入飲啤酒的行列；這裡有黑啤的生啤，我就由頭到尾飲這個。這裡沒有小吃免費供應，但可以叫樓下的食物，我們叫了Trifola Pizza，是truffle、mozzella芝士及羊生菜的組合。這裡的薄餅熱辣辣，夠薄又夠乾，很合我的口味，可以講係做得幾好。加入truffle及芝士，幾有香味，送啤酒好適合。侍應的服務，不算差也不能說好，一般咁啦。三個人，四杯生啤、一枝啤酒、一杯雞尾加一個薄餅，埋單五百蚊有找。以這個地方及環境，當然不能與蘭桂坊及Soho相比，亦不算貴，起碼我飲完唔使兩步就可以坐番埋公司位。題外話一：似乎室外的位置只適合飲野，如要fine dinning，都係室內好一點。題外話二：樓上酒吧的室外坐位有條幾大的「運河」在中間，加上黑黑地，幾
有啤酒有雞尾或各式餐酒，雞尾無什特色，都係幾種果汁加奶，所以飲左兩杯，在座那位女士都加入飲啤酒的行列；這裡有黑啤的生啤，我就由頭到尾飲這個。這裡沒有小吃免費供應，但可以叫樓下的食物，我們叫了Trifola Pizza，是truffle、mozzella芝士及羊生菜的組合。這裡的薄餅熱辣辣，夠薄又夠乾，很合我的口味，可以講係做得幾好。加入truffle及芝士，幾有香味，送啤酒好適合。
侍應的服務，不算差也不能說好，一般咁啦。
三個人，四杯生啤、一枝啤酒、一杯雞尾加一個薄餅，埋單五百蚊有找。以這個地方及環境，當然不能與蘭桂坊及Soho相比，亦不算貴，起碼我飲完唔使兩步就可以坐番埋公司位。
題外話一：似乎室外的位置只適合飲野，如要fine dinning，都係室內好一點。
題外話二：樓上酒吧的室外坐位有條幾大的「運河」在中間，加上黑黑地，幾易叉錯腳。我今晚就見兩次，仲係同一個人，都幾好笑。
題外話三：樓上連接樓下條樓梯好黑，上落要小心！
Post