瑞樵閣

Open Now

Now Closed

訂咗枱今晚喺呢度食飯，點知撞正十號風球，好彩喺6點前轉3號波，唔駛改期一入到去，呢間餐廳既裝修同半島其他餐廳既華麗裝修好唔同，好樸實，感覺正處於瑞士山區既一間傳統小木屋咁昏暗既環境，浪漫既燭光，係愛侶撐枱腳既好地方一嚟到侍應就先送上暖暖既餐包，好香口。不過擔心影響正餐既胃口，所以只係食左少少，不過我地最後有打包到，冇浪費食物我地首先叫咗個前菜，唔記得菜名，有切片既黃瓜、香腸、蘿蔔、烚蛋等等。我覺得麻麻地，因為太酸。不過前菜係要有少少酸先開胃，鍾意食酸嘢既朋友應該會鍾意。芝士火鍋 - 今日嚟既目的係為咗Chesa既芝士火鍋芝士香濃得嚟又唔太鹹，我都知傳統既瑞士芝士火鍋係會加酒，不過本人並不嗜酒，酒既份量超出本人預期，所以食落感覺好“啃”不過我老公就好鍾意食唔鍾意酒既朋友可以同侍應講落少啲酒。蟹肉班戟 - 我最鍾意既菜式之一，薄薄既班戟皮，配上鮮甜既蟹肉，平時我好少食海鮮，因為好怕海鮮既腥味，但呢道菜我一啲腥味都食唔到，而個醬汁就能夠更加帶起蟹肉既鮮甜，一個字: 正！羊架 - 羊架我嗌咗七成熟，香脆既外皮同嫰滑多汁既羊肉，係我食過最好食既羊架。最令我驚喜既係伴碟既薯仔，廚師都有精心調味過。