Video
Read full review
2007-03-18
34 views
兩隻為食貓完成心願之後,滿心歡喜四圍搵野食!honhon本來打算去大街露天餐廳,等我呢個新界人感受一下外國風情,只可惜今日天氣實在麻麻,最後都係去比較無咁食風既美利樓。在德國自助餐/野火三層架之間選了後者,原因係後者比較少人,似下午茶悠閒感覺多d。三層架tea set造型特別,pizza似天秤係頂層搖搖下好得意,內容有:意式多士配風乾火腿:多士除左風乾火腿,仲有水牛芝士、蕃茄、basil,材料相當豐富,味道都相當配合!個人相當喜歡呢片多士,推介!!自選8"pizza:唔記得pizza名,只記得部份材料有水牛芝士、tandori雞肉;餅底頗薄但唔太脆,由於肚仔餓關係,雖然較油都覺得味道唔錯,不過唔算太特別,個人比較鐘意CPK pizza多d。煙三文魚卷:三文魚相當鮮美,味道唔會太鹹又唔腥,中間部份似乎係爽脆蔬菜絲,配合軟滑三文魚,口感好正。秘製雞翼配特色醬汁: 雞翼如何秘製不得而知,不過似乎唔係鮮炸,因為溫度唔太熱,外皮又唔香脆,雖然夠入味但唔夠熱就要扣分。香脆軟殼蟹: 日前食得太多,今日全隻軟殼蟹由honhon獨力承擔,味道不能置評,但觀乎外表就尚算ok大隻。碗內尚有一堆新鮮沙律菜,消
三層架tea set造型特別,pizza似天秤係頂層搖搖下好得意,內容有:
意式多士配風乾火腿:多士除左風乾火腿,仲有水牛芝士、蕃茄、basil,材料相當豐富,味道都相當配合!個人相當喜歡呢片多士,推介!!
自選8"pizza:唔記得pizza名,只記得部份材料有水牛芝士、tandori雞肉;餅底頗薄但唔太脆,由於肚仔餓關係,雖然較油都覺得味道唔錯,不過唔算太特別,個人比較鐘意CPK pizza多d。
煙三文魚卷:三文魚相當鮮美,味道唔會太鹹又唔腥,中間部份似乎係爽脆蔬菜絲,配合軟滑三文魚,口感好正。
秘製雞翼配特色醬汁: 雞翼如何秘製不得而知,不過似乎唔係鮮炸,因為溫度唔太熱,外皮又唔香脆,雖然夠入味但唔夠熱就要扣分。
香脆軟殼蟹: 日前食得太多,今日全隻軟殼蟹由honhon獨力承擔,味道不能置評,但觀乎外表就尚算ok大隻。碗內尚有一堆新鮮沙律菜,消消肥膩作用唔錯。
檸檬撻: 面層焗蛋白稍甜,配合底層檸檬餡一齊食就好好多,變成味道酸酸甜甜,撻底香脆可口,三樣加起好有化學作用。
草莓芝士蛋糕:只有一湯匙份量,剔開中間個粒莓之後,份量更少!味道的確幾夠芝,但質感似燉蛋多過似芝士蛋糕。
咖啡:味道夠香濃,有水準!用cream伴咖啡,口感更加香滑,而且份量夠大杯,飲得相當滿足。
服務方面,女侍應方面無大問題,但某d男侍應態度似乎需要改進,行到pair 下pair下之外,同客人落order時態度怪怪,係遊客區著名餐廳裡出現呢種情況似乎不太合適。
Post
