名峻會 (莊士倫敦廣場)

Open Now

Now Closed

七月唯一嘅七一長假期，竟然喺颱風之下渡過，所有戶外活動都取消晒，但約好咗成班朋友又唔想掃興，有人就提議去雀會，賭神即刻介紹我哋去呢間名峻會。呢度位於莊士倫敦廣場13樓全層，一出𨋢就見到有兩張桌球枱。再行入去就有十幾間麻雀房，部份房間仲有窗可以望到尖沙咀景觀，非常開揚。呢度提供嘅中國茶可以每位都唔同，有獨立保溫壺盛載，打麻雀就啱晒啦。打雀局嘅好處，就係可以隨時叫嘢食，首先我哋揀咗金薯蜜椒牛柳粒，薯仔同牛柳粒都有蜜糖同黑椒包住，用嚟送飯一流。西蘭花炒蝦球賣相真係有酒樓水準，蝦仁又大又爽口，西蘭花都好新鮮。店員仲推介我哋試呢個冰鎮咕嚕肉，咕嚕肉用冰塊全面覆蓋，真係夠晒冰鎮。打撈一輪之後，一粒粒咕嚕肉就呈現喺眼前。