叁明治

Open Now

Now Closed

10號風球過後，8號風球嘅下午，同阿媽響屋企附近食完lunch，本身諗住行去大快活幫襯下午茶，點知俾我哋發現，老麥甜品站後面有間小店，招牌燈火通明，於是響落住雨嘅天氣下，為咗唔使揼雨，兜遠路都行過去𥄫吓。招牌燈火通明，目測有兩位店員打理，主力外賣，堂食有兩三個座位見到menu有三文治，多士，小食，扒類（另外仲見到有兩款意粉）因為之前食過啲嘢，但未食飽，所以響選擇困難症發作下企響度諗咗好耐，最終決定叫一個”忌廉芝士煙三文魚酸種多士”試試，如果好食，下次就可以試佢哋嘅酸種三文治+小食響等候期間，阿媽多口問佢哋開咗幾耐，因為我哋平時冇為意到佢哋間舖頭，一位好好禮貌疑似老細嘅店員回應我哋，佢話開咗大概2個月左右，佢哋賣嘅三文治同多士，都係酸種麵包整嘅拎到返屋企，急不及待打開試食啦！煙三文魚，酸豆同忌廉芝士醬都係穩陣正路嘢，個多士麵包幾軟熟，唔乾身，有啲莓粒粒，所以成個配搭食落唔會覺漏！下次可以正餐時間買佢哋嘅酸種三文治試試，繼續支持有禮又有heart嘅小店！亦希望多啲客人嚟幫襯。畢竟，響舊式屋邨經營呢一類較為新派嘅高質小店，係一件好好好唔容易嘅事！