必勝客

Open Now

Now Closed

數數手指，都真係好耐無食過Pizza Hut了，今日星期日又撞正8號仔颱風，懶懶地唔想煮野食，就「戚」起條根，落去屋企附近既Pizza Hut 食返餐。我地叫左：原味雞翼；忌廉湯；意式風情；拿玻里肉丸同埋酥脆蝴蝶蝦，仲有2碗蘑菇忌廉湯。。原味雞翼係我每次食Pizza Hut 都必點既，皮脆肉滑， 我覺得焗得岩岩好，咬開第一啖，D汁即刻流晒出黎，鐘意食辣既朋友，可以試下辣味雞翼，同樣係美味的。今次叫左個意式風情：最喜歡既就係佢個批軟硬適中，唔會粉多過咩⋯ 批里面有千島醬，批面有例牌菠蘿，火腿，蘑菇同埋雞肉，加加埋埋，食落口 口感不太差。全場最喜歡個蘑菇湯：粒粒蘑菇落足料，味道唔淡唔重，感覺岩岩好，正另外叫左個拿玻里肉丸：汁加左芝士同茄汁落去一齊焗，食落口 其實係豬肉丸黎，冇咩驚喜同特別。最後叫左個酥脆蝴蝶蝦：今次就感覺麻麻地，因為隻隻都有D窿窿地，但蝦肉都尚算爽口既。但佢地D服務呢～ 就不敢恭維，我地食食下，居然走黎叫我轉枱，明明係佢地安排我地坐既，最好笑係由2人位轉返去2人位😑。