Video
Read full review
2015-10-17
737 views
好耐無黎銅鑼灣，約了好久不見的朋友午聚，黎到呢間幾精緻既日本餐廳吃個風花雪月的午餐。Lunch set的沙律及茶碗蒸-沙律幾特別，醬汁幾好幾濃郁，加上啲乾魚仔？撈埋啲菜一齊食，更加香口同開胃。茶碗蒸入面有蟹肉，都幾新鮮，蒸蛋超級無敵滑，幾中意呢個組合！吞拿魚海膽魚生飯-黎到覺得飯量係有啲少既，但魚生都幾多。海膽好滑好甜好新鮮，一啲腥味都無。吞拿魚都幾好，連我呢個本身唔食香港啲吞拿魚既人都食左幾塊，真係有入口即融既感覺。蒲燒鰻魚飯-鰻魚都幾大條丫，佢用既燒汁唔係太甜接受到，鰻魚好煙韌，咬落幾滑同有口感，亦唔會有腥味，撈埋飯食真係一流！柚子雪巴-係日本食落一試難忙，估唔到呢度都有得食而且幾好味！佢唔似出面好假既雪巴味全部都係糖精，呢個真係幾香柚子味，而且仲有一粒粒柚子肉，酸甜度適中，食完飯食簡單係完美既一餐！
Lunch set的沙律及茶碗蒸-沙律幾特別，醬汁幾好幾濃郁，加上啲乾魚仔？撈埋啲菜一齊食，更加香口同開胃。茶碗蒸入面有蟹肉，都幾新鮮，蒸蛋超級無敵滑，幾中意呢個組合！
吞拿魚海膽魚生飯-黎到覺得飯量係有啲少既，但魚生都幾多。海膽好滑好甜好新鮮，一啲腥味都無。吞拿魚都幾好，連我呢個本身唔食香港啲吞拿魚既人都食左幾塊，真係有入口即融既感覺。
蒲燒鰻魚飯-鰻魚都幾大條丫，佢用既燒汁唔係太甜接受到，鰻魚好煙韌，咬落幾滑同有口感，亦唔會有腥味，撈埋飯食真係一流！
柚子雪巴-係日本食落一試難忙，估唔到呢度都有得食而且幾好味！佢唔似出面好假既雪巴味全部都係糖精，呢個真係幾香柚子味，而且仲有一粒粒柚子肉，酸甜度適中，食完飯食簡單係完美既一餐！
Post
