榴槤樂園 (金巴利道) (Closed)

當晚係佐敦食完生日飯後就去食甜品。行左15分鐘左右先到，好夾攝，係婚紗街最尾。我記得幾年前個舖位好似賣男禮嘅，依家變晒Lu.榴槤樂園有２層，基本上個個都會上上層開餐，因為下層好迫，而且bar位多。一上到去，好多榴槤擺設，好大陣榴槤味，愛榴槤嘅我當然好鐘意啦～當時係星期五，都未算太多人，唔嘈所以傾計好ok, 但係如果討厭榴槤嘅人真係一秒都唔想留底睇餐牌，其實唔係太多有榴槤食品嘅選擇，反而有好多飲品。我諗左好耐終於揀左「冰火榴住我」，又有榴槤又有甜品食下。雪糕係榴槤，有榴槤肉，下層就好似tiramisu咁，有咖啡可以林係雪糕上面。價錢都可以接受嘅，而且服務態度都很好，所以有機會都會再黎食。