椰子星球 (Closed)

綁好安全帶了，我哋要飛去”椰子星球”！暫時只有將軍澳新都城嘅”椰子星球”，主打各種新鮮椰子主題嘅甜品，外型美觀獨特，非常受街坊歡迎。今次我哋係當中三個系列各揀咗一個甜品嚟試。芒芒UFO - 椰子糖水系列，上面鋪滿非常鮮甜嘅芒果同小丸子，入邊就係浸咗芒果汁嘅椰水凍。另外跟咗一支特調椰汁。果然係招牌，甜之餘有相當多唔同嘅口感，同行小朋友最愛係呢個。HKD 56開心果椰子凍 - 椰子奶凍系列，表面鋪滿晒開心果碎已經可以滿足開心果fans。椰子檔嘅開心果味其實已經幾夠，但係店方為咗令口味再豐富啲，加入咗芝士，令呢個甜品甜鹹兼備，咁就唔會流於簡單或者過膩。HKD 65丸丸椰皇燉蛋白 - 椰皇燉蛋白系列，表面上就係芋圓小丸子加上燉蛋白。如果先食咗其他甜品，呢個甜品就會冇咁有味道。不過同小孩子唔同，我反而最鍾意呢個。首先佢唔會好甜，其次佢嘅蛋白味好突出，就算係凍食都好容易聞到佢嘅蛋白香。下次真係要試吓個熱食先！HKD 56最後要講呢幾個甜品份量相當唔少嘢，如果食正餐先可以考慮正餐食少啲。