曲奇四重奏 (Moved) New Location

由於本人都算係個蝴蝶酥迷, 所以當收到友人送既一盒曲奇四重奏蝴蝶酥時, 真係異常興奮! 因為之前成日聽人話呢度D餅好好味, 又話成日斷貨買唔到咁...好喇...一開! 盒內全佈滿一隻隻小蝴蝶, 我估大概有四五十塊啦~ D蝴蝶酥每塊睇落都幾金黃色, 面頭仲有一層微令既糖衣包住. 滿心期待咁放入口...點知...車! 都無味既!!! 係咪冇落糖呀?! 我已經唔算特別鐘意食甜啦, 但真係無乜味... 成盒入面我要食到底先有幾塊係叫做有D甜味囉...整體黎講, 如果陣味甜番D應該會幾好呢~ 至於我覺得好食既蝴蝶酥, 有灣仔既百事吉迷你版, 佢係我食過最好味, 味道雖偏甜但非常鬆化! 至於皇后餅度既超巨型曲奇餅底都唔差, 好香好香既牛油味, 不過食一個等於食左十隻細版, 食完超飽! 哈哈~