Video
Read full review
2016-02-13
931 views
香港地少人多，得天獨厚，中外文化融合，世界各地大江南北珍饈百味。連鍾意食辣嘅都有印度泰式湘菜川菜。 喜愛川菜麻辣夠勁道，食慣咗麻辣火鍋，涼菜同小炒，估唔到，美食之都香港仲有另類川菜選擇-麻辣乾鍋，所以擇個良辰吉日一飽口福。 小店裝修摩登簡約，飛甩老土，以紅色中國風為主調，光猛乾淨，空氣中雖然瀰漫住麻辣香味，但牆身枱面毫不油膩，坐得舒服。 打開點菜紙真係嚇親，葷菜同素菜加埋有成59款配料揀，花多眼亂，但今日只想試麻辣乾鍋嘅原味，所以盡量點我鍾意食嘅素菜。 口水雞(半隻)$92由於麻辣乾鍋即叫即做，店員話要等15至20分鐘，既然嚟試佢實力，橫掂要等就乘機叫碟口水雞頂住肚先。口水雞上枱時係暖嘅，應該係剛浸/烚/蒸熟斬件，唔似其他舖頭凍上，所以雞肉雞皮唔夠爽口，加上仲有水份滲出，令辣椒汁唔能夠緊緊黐住雞肉，雖然辣椒油非常惹味，但奈何同雞肉唔配合，只能算係僅僅合格。 麻辣乾鍋$201主角登場！熱騰騰嘅乾鍋，散發住麻辣香氣，刺激嗅覺同胃口。厨師將所有材料，連同辣椒同湯底，放於鍋中加熱，到湯汁煮乾，材料索晒辣湯，再灑上芝麻就大功告成。由於材料吸
香港地少人多，得天獨厚，中外文化融合，世界各地大江南北珍饈百味。連鍾意食辣嘅都有印度泰式湘菜川菜。 喜愛川菜麻辣夠勁道，食慣咗麻辣火鍋，涼菜同小炒，估唔到，美食之都香港仲有另類川菜選擇-麻辣乾鍋，所以擇個良辰吉日一飽口福。
小店裝修摩登簡約，飛甩老土，以紅色中國風為主調，光猛乾淨，空氣中雖然瀰漫住麻辣香味，但牆身枱面毫不油膩，坐得舒服。
打開點菜紙真係嚇親，葷菜同素菜加埋有成59款配料揀，花多眼亂，但今日只想試麻辣乾鍋嘅原味，所以盡量點我鍾意食嘅素菜。
口水雞
$92
68 views
0 likes
0 comments
口水雞(半隻)$92
由於麻辣乾鍋即叫即做，店員話要等15至20分鐘，既然嚟試佢實力，橫掂要等就乘機叫碟口水雞頂住肚先。口水雞上枱時係暖嘅，應該係剛浸/烚/蒸熟斬件，唔似其他舖頭凍上，所以雞肉雞皮唔夠爽口，加上仲有水份滲出，令辣椒汁唔能夠緊緊黐住雞肉，雖然辣椒油非常惹味，但奈何同雞肉唔配合，只能算係僅僅合格。
麻辣乾鍋
$201
99 views
1 likes
0 comments
麻辣乾鍋$201
主角登場！熱騰騰嘅乾鍋，散發住麻辣香氣，刺激嗅覺同胃口。厨師將所有材料，連同辣椒同湯底，放於鍋中加熱，到湯汁煮乾，材料索晒辣湯，再灑上芝麻就大功告成。由於材料吸收咗辣湯，食嘅時候即時覺得未夠勁，但辣味越食越出，滿佈口腔每個角落，嘴唇開始感受到麻痹感覺，額角滴汗渾身發滾，麻辣鹹令我欲罷不能，加速喪食到一件不剩，一路抹汗再隊多罐加多寶，爽。
雖然乾鍋唔似其他川菜菜式用咁多油，但辣勁尤有過之，雖然唔知肚仔頂唔頂得住，但入口味道感覺好過癮，麻辣風味令人回味不已，而且少油健康啲，川菜新食法，可望成為一時風尚。
Post
