古早牛肉麵 (Closed)

飛轉台灣 深水埗街頭台灣食店今次嚟到平民地區深水埗 多好好嘢食相信大家都知道 我就試左呢一間古早牛肉麵入面裝修充滿地道嘅台灣風格例如係掛咗一啲台灣街道牌 或者一啲台灣海報 真係有少少似飛咗去台灣❤️餐牌可以用蠟筆寫完再擦！非常環保！麻辣牛筋牛肉麵食牛肉麵點可以唔第一啖試吓個湯？湯好飲！夠濃味！可以食得出係用牛骨煲左好耐，加上少少微辣，好開胃😽麵條有咬口，牛筋牛肉份量各半，好足料👏🏼細肉燥飯台灣餐必點！細細個，至在過口癮！味道幾惹味，略有啲太多汁，但撈飯一流！肉鬆蛋餅抵讚肉鬆份量十分足料，但有少少失望，因為成個蛋餅有啲乾，陷料容易跌出，口感稍欠層次