棟篤食 (Closed)

下晝五點幾去食雙子撈麵（蝦子蟹子撈麵），黃色嘅麵舖上啡色嘅蝦子再加一羮橙色嘅蟹子，賣相其實係幾好，而且蝦子麵係招牌貨，依舊好食但三樣野撈均左之後，蟹子味比蝦子完全蓋過，即係完全食唔出有蟹子味，係咬落蟹子扑扑聲咁幾得意。戲肉係，食到一半，有隻甲由係我前方約兩米處橫飛，再轉彎係我頭上飛過，在場食客無不走避，而收銀卦住玩電話、小二哥唔見人，直至哄堂，小二哥至知道拎張廁紙走去捉，呢個時候收銀先抬起頭問發生咩事。