餃掂手工餃子雲吞專門店 (Closed)

係太子行完街上就openrice睇下呢頭有咩好食，就搵到呢間餃子店啦由於我係芫茜控，所以諗都唔使諗就叫左芫茜豬肉湯餃，不過有d失望，芫茜太少，搞到芫茜味唔夠突出，如果可以再多d芫茜少d豬肉就好啦水餃湯底就係狀元九鼎湯，本身仲諗住單點一碗，可以慳返，介紹寫明佢係古法炮製仲用好多材料煲成，飲得出係真材實料兼且無落味精，連鹽都無落架得一個人用餐，想試埋煎餃都食唔落，見到枱面有好幾款口味既醬配煎餃，好似都幾吸引，要下次黎試下先得另外叫左杯山楂雪梨茶，少少酸酸地夠開胃都幾好飲價錢方面我覺得係公道合理既總括呢講呢間餃子店值得我一試再試