秀拉麵 (Closed)

結婚六週年, 兩公婆帶埋囡囡決定試下過海, 聽聞中環鏞記酒家斜對面嘅秀拉麵曾風靡東京及紐約嘅人氣拉麵店一咁就一於要試下啦, 的骰的舖位只有十多個座位, 拉麵款式主要分為博多元祖拉麵，白秀拉麵，黑秀拉麵及赤秀拉麵四種, 雖然我地黎到只係晚上７點，但博多元祖拉麵早已沽清，大家亦只好在赤黑白之間作選擇。白即豬骨湯底，黑就加入黑醬油, 先試一啖湯頭，豬骨湯唔算好稠濃，入口感覺並無預期中咁豐厚，水準不過不失。麵條方面用上九洲拉麵常見嘅幼身麵線，蛋香略嫌唔多夠, 好快就變軟成糊狀，食落明顯有鹼水味，感覺唔係太討好價錢方面屬中高，大約$90一碗，如果要再加配菜, 如糖芯蛋，就要$100一碗左右。