鳴門日本料理 (Closed)

呢排唔知做乜好想試下唔同既日式定食，呢度大約係官塘同牛頭角交介，午飯時間都算幾旺但都有位，剛剛一點半黎同原來有八折，試下一個鐵板燒定食，首先黎個麵豉湯，仲有沙律同埋茶碗蒸蛋，沙律唔算太特別，麵豉湯幾好味，個茶碗蒸蛋入面有蟹柳絲我個人覺得好好食，好開胃，剛剛食晒呢三樣野飯同主菜就黎，個飯其實唔多滿意，因為太過軟身，不過鐵板燒個汁幾好味，用黎撈飯都幾正，鐵板燒有蝦肉同埋牛肉包洋蔥，質素唔算太高不過同個汁真係幾夾。又八折又加一之後埋單六十五蚊，其實我覺得只係OK，應該唔會再試呢間，但真係食日式定食食上癮，會繼續搵第二間試的