Antoshimo Cafe & Bakery (Mikiki) (Closed)

新蒲崗呢間沖繩餐廳真係好有驚喜，佢嘅冬甩係我食過暫時最好食嘅冬甩！Tea Time嚟食，佢嘅Set會有8折，即係$79加一再8折。佢可以揀一份肉（都係雞、牛或者豬），一個烏冬/飯，一杯飲品，同埋！！！！一個焦糖雪糕冬甩！呢次我叫咗一份炸雞，飯就係芝士蕃茄飯（＋$8），熱烏龍茶，同埋焦糖雪糕冬甩。全部都好好食，而且非常夠飽。朋友就叫咗壽喜燒牛肉，蒸飯，熱啡（＋$8），同埋焦糖雪糕冬甩。都係非常之滿足。我地Total 每人$78.5，成個Set有4樣嘢，有主食飲品同超級好食嘅甜品，算係好抵。路過就咁人女雪糕冬甩都已經好滿足，大大推介！