Mee...lemongrass (Closed)

一點幾到商場，閒日正常都係午飯時間，等左一陣就有位。叫左蝦醬炒飯既餐。有湯（好味）、有前菜（螺肉）、有好多伴菜既沙律（蕃茄、青瓜、紅洋蔥、青木瓜、辣椒）、炒飯有淡淡既蝦醬味，唔咸，仲有小小好似魯肉既豬肉）配餐飯係咖啡或茶，叫特色野飲就加$6，超抵。今日我叫左椰汁珍多冰。老公叫左炒貴刁。有成條京蔥好特別，照例有炸蒜。香口晒。跟餐普通甜品有檸汁椰汁糕，由於檸檬味好重，下面既椰汁榚好似味道好淡咁。貪食既我黎到有香芒糯米飯既餐廳係唔會錯過呢個甜品既，佢仲可以跟餐以$32 加返一個。當然要叫啦。芒果夠甜，糯米飯煙銀（可惜無味）但另配一杯椰漿。即刻全部好有椰汁味。