Video
Read full review
2010-01-04
9 views
哩日早上打黎book左台, 可惜話要8:45 交台. 我諗食個幾兩個鐘應該食得切既.是次乃為羊膝而來, 打開餐牌卻一個"羊"字都冇, 當堂的確會有點失望, 但飯都依然要食, 幾個餐都幾吸引. 有個芝士焗生蠔, 可惜係拼金沙骨的東西, 唔太愛食骨. 所以最後都係點左個四重奏$108, 稱佢為"海陸海", 因為d 快餐店通常都叫做"海陸空套餐".先來既係餐湯同餐包.餐包乃係焗蒜蓉法包, 幾香, 但未至於離遠都聞到o個隻, 拎上手仲有點暖. 食落都仲夠脆, 只係覺得多點牛油塗勻一點會更好味.餐湯侍應話係咩西蘭花cream soup. 西蘭花就見唔到啦. 個湯就幾creamy, 味道都好濃, 唔會一飲就話佢用水開稀o個隻先.海陸海套餐另外有個side 同沙律, side 要左薯蓉.沙律我問佢可唔可以轉其他野, 佢話要問下廚房, 但最後都係原沙律奉上幸好"沙律"只不過係火龍果+哈蜜爪上面再+兩片三文魚生. 其實我覺得哩d 唔應該叫"沙律", 應該就咁叫"生果". 沙律哩兩個字實在太含糊. 若講明"生果", 就好肯定上面冇沙律醬了.有生果幾好, 清下腸胃, 都知出街食飯既人餐餐都冇菜冇生果落肚芝士
是次乃為羊膝而來, 打開餐牌卻一個"羊"字都冇, 當堂的確會有點失望, 但飯都依然要食, 幾個餐都幾吸引.
有個芝士焗生蠔, 可惜係拼金沙骨的東西, 唔太愛食骨.
所以最後都係點左個四重奏$108, 稱佢為"海陸海", 因為d 快餐店通常都叫做"海陸空套餐".
先來既係餐湯同餐包.
餐包乃係焗蒜蓉法包, 幾香, 但未至於離遠都聞到o個隻, 拎上手仲有點暖. 食落都仲夠脆, 只係覺得多點牛油塗勻一點會更好味.
餐湯侍應話係咩西蘭花cream soup. 西蘭花就見唔到啦. 個湯就幾creamy, 味道都好濃, 唔會一飲就話佢用水開稀o個隻先.
海陸海套餐另外有個side 同沙律, side 要左薯蓉.
沙律我問佢可唔可以轉其他野, 佢話要問下廚房, 但最後都係原沙律奉上
幸好"沙律"只不過係火龍果+哈蜜爪上面再+兩片三文魚生.
其實我覺得哩d 唔應該叫"沙律", 應該就咁叫"生果".
沙律哩兩個字實在太含糊. 若講明"生果", 就好肯定上面冇沙律醬了.
有生果幾好, 清下腸胃, 都知出街食飯既人餐餐都冇菜冇生果落肚
芝士焗大蝦, 蝦真係幾大隻, 開邊芝士焗, 但味道一般, 蝦肉質鞋唔夠爽口. 芝士亦唔夠香.
魚塊係咁多樣之中比較頹既一樣, 都係冰鮮既斑塊煎兩煎就上, 所以成塊野都冇乜味, 口感都係一pat 魚咁.
牛扒最好, 雖比淨叫sirloin 細一半但較厚身, 肉質嫩冇乜筋同肥膏, 煎得medium rare, 切開見到入面有點透紅, 正!
食到牛扒先發覺點解d 侍應唔問牛扒要幾成熟. 如果d 人唔食生既咁點呢.
薯蓉一般, 唔夠蓉, 仲有點起粒, 本身冇加調味, 所以都係靠周邊既汁
野飲加左$14 要左個blue ha waii, 菠蘿+唔知咩. 成杯野其實主要都係飲到菠蘿味
但都幾好飲, 好似fruit punch咁. 應該係exactly 係fruit punch既味. 只係加左少少酒. 我都唔係成日飲, 不過我覺得哩杯d 酒多過knusford o個間wildfire.
見到d 食評個個都有甜品, 我仲以為個餐係跟埋甜品, 原來唔係. 所以其實都唔係好抵.
但其實加個甜品都係加$2x. 但食完都飽. 仲趕住交台所以比較衝忙, 如果可以慢慢嘆既話哩間都係唔錯既餐廳, 可以傾下計咁.
環境偏暗, 台上有點燭光, 格調似情侶餐廳, 坐位並不多, 所以大時大節都係book左位先為佳
侍應都係幾後生既妹妹仔, service一般, 始終只係一間cafe, 並唔係咩高級餐廳, 招乎未夠周到可體諒. 最估唔到係原來樓下有位"知客"企o係度, 一有人入幢樓就會問你上幾多樓, 會通知樓上.
當日想開電腦, 但cafe 內方圓十里都冇插座可使用.
如果有下次既話, book 台o個時問下佢有冇羊膝先. 又或者lunch 先黎
Post
