Peko Peko Eatery (康怡廣場北座) (Closed)

星期日經過，同家人黎食早餐，見呢間店未試過入去食下。點知我哋點既早餐，兩份都等左30分鐘以上，忍無可忍催完，服務員先走去力一份出黎，另一份睇完又睇，見我q哂手望住佢，走過黎話仲整緊！呢一刻，將心比己，點會吾嬲？我話等左半個鐘仲要等？請店員同我取消份餐，佢走開左，另一邊因為家人份早餐黎左，我局住等佢食埋先走得。點知佢地5分鐘後上埋我個早餐，well! 我其實成肚火已經吾想食，夾硬送埋過黎，呢間店真好野，我都無打算同佢嘈，唯有谷住條氣食。只系覺得呢間鋪頭，一份早餐都$48-$108，仲有加一收費，以呢個價錢，俾啲咁既服務，值得好好檢討一下。