串串燒 by Season (Closed)

今晚同男朋友一齊食飯，我地叫左勁多野食，食物整體黎講幾高質，好滿足。麻辣牛舌 $48好好食，同麻辣好夾，而且上碟係成條脷，份量十足，一定要食！吉列炸蠔（4隻）$38雖然係炸既，但都食到蠔既鮮味。燒雞髀肉 $12燒自家製滷水大腸 $28燒羊柳 $18燒火雞腎 $12除左大腸可以唔需要叫之外，其它都可以。汁燒雞肝 $18燒雞心 $16好內臟既人可以食。燒金菇牛肉卷 $28孜然蒜蓉茄子 $38兩個都唔錯。蒜蓉大元貝 $28一隻勁多蒜，元貝好食。燒頂級牛小排串 $48鹽燒雞翼 $18 不過不失。壽喜燒野菜頂級小肥牛鍋 $78呢個抵食，好多料，驚唔夠飽既話一定要叫。風味焗蠔四食 $99分別係明太子醬、黑松露醬、蒜蓉、柚子醬。柚子醬幾特別，面頭有啲肉鬆，食落竟然無違和感。$168/位就可以任飲紅酒+白酒+清酒+汽酒+雞尾酒。我地飲左名城大吟釀、嘉美心純米大吟釀、鶯宿梅梅酒、嘉美心桃子酒。建議唔飲得苦既可以揀甘口既清酒，桃子酒同梅酒都易入口。