度小月 (海運大廈) (Closed)

入到去「度小月」坐正對住維港嘅位，太好啦！叫咗12個小菜，另外再叫祖傳肉燥飯，肉燥飯上面啲肉躁勁少，如果要加肉燥就要加錢，講真太少肉躁，食唔出乜嘢味！紹興酒香雞~入口嫩肉，酒味夠！炸脆皮大腸~大腸炸得好脆，又唔會太肥。大腸又唔酥，就算唔點旁邊啲椒鹽都好夠味😋蚵仔酥～蚵仔一粒粒，咬落有啲乾，味道夠，可惜無乜口感。芙蓉炸豆腐～炸豆腐上面配上紫菜絲同木魚碎，味道配合得啱啱好，帶出豆腐滑嘅口感。櫻花蝦高麗菜～櫻花蝦夠惹味，加上高麗菜炒得好爽脆，正😋黃金蝦捲～普通嘅炸蝦捲，無乜特別。鳳梨蝦球～蝦球夠大粒，炸到黃金色好靚。點埋旁邊嘅菠蘿味嘅沙律醬，好香好特別。蝦下面佈滿鮮菠蘿🍍片，一口都係好香嘅菠蘿味😋😋紅麴排骨～味道香濃，咬開肉骨分離，證明排骨炆得夠腍，入哂味。鹽酥雞～雞件較細件，又無酥酥味，食落普通。蔥油蚵~成碟豆腐配上濃汁，加上一啲蚵仔，好普通。唔值$98呢個價,食多幾啖就覺得啲汁好咸！三杯雞煲~香味夠濃，不過啲雞較乾，味道不過不失。温泉絲瓜蛤蜊～蛤蜊入口無沙，湯夠清，絲瓜夠清甜。