小茶角 (啟豐商場) (Closed)

如果你鍾意食漢堡同牛角包，可以試吓呢間小茶角！點解叫「小茶角」？「小」係因為店面唔大，但有種小家庭經營嘅 Feel 🏡 「茶」就係佢哋有好多款飲品可以揀，奶茶、果茶等都有 🍵 「角」就唔單止係位置喺角落頭，都因為佢地嘅招牌 #牛角包 都幾出名 🥐 呢間餐廳喺屯門碼頭同蝴蝶灣附近，只有 10-12 個位，係真正嘅「小店」。佢地有 3 張吧枱，其中一張面向海邊，可以欣賞到好靚嘅日落。我去嗰陣，見住個天由金黃色變成橙紅色，真係好靚 🌅 講完靚景，係時候講吓佢哋食物！因為我同老公第一次去，我哋掃 QR Code 落單時，好快就揀咗幾款熱賣推薦。首先係牛魔王 ($67)，個牛角包入面有手打嘅美國牛肉漢堡、炒蛋、蘑菇、芝士同蕃茄！牛角包個皮好鬆脆，如果你叫牛角包加嘢飲，仲會自動升級成 Combo，可以免費揀炸薯角、薯條或者沙律。佢哋嘅炸薯角即叫即炸，唔會好油淋淋，好味 🍔🍟 另一個熱賣推薦係單骨雞翼配蟹籽醬 ($36)，呢款雞翼有驚喜！食落有好香嘅椒鹽味，但唔會好熱氣。如果你麻麻哋蟹籽沙律醬，可以另外嗌個黑松露醬，我覺得味道更夾、更惹味 😋 除咗牛角包同雞翼，我哋仲叫咗珍寶小茶角 ($109) ，