Video
Read full review
2018-07-28
243 views
呢排日日落雨, 放左工都係響商場搵飯食算, 費時四圍行.呢間同仁開左一排都未食過, 晚市原來有打邊爐或小菜, 夏天打邊爐簡直係享受, 所以決定打邊爐.侍應姐姐推介呢度既招牌湯底椰子雞鍋, 見半份雞同其他鍋底都係差幾十蚊, 有半份雞食好似抵D, 所以就叫黎試下.個湯底有D椰子肉, 好清, 要先煲滾, 熄火先再放雞件浸熟佢, 所以時間上係較一般湯底耐少少, 不過傾住偈等又唔算太耐, 全程有侍應姐姐幫手整, 所以唔洗煩.雞肉都幾多, 食落啖啖肉, 好滑溜, 因為個湯夠清, 所以唔會搶左雞既鮮味. 侍應話最合適係先食晒D雞之後先開火再打邊爐, 不過我地太餓, 所以食左一半已急不及待開火.先淥安格斯肥牛, 紋里分明, 唔會太薄, 淥一陣剛剛熟就食得, 牛味非常濃郁, 好軟滑, 一D都唔韌, 呢碟細份都係128蚊好抵食.仲要埋豬豚肉, 薄薄地好快熟, 入口都好嫩滑, 淥得耐左都唔鞋, 整體豬牛雞都好好味.鮮炸響鈴每次打邊爐都要, 呢度炸得夠鬆, 過一過湯, 半脆半林, 索晒D湯都好正.野菌拼盤有4款菇菌, 款款我都好鍾意, 最正係長條型果款, 唔係度度有得叫, 菇菌夠乾淨, 份量唔會太少.到7點幾
呢間同仁開左一排都未食過, 晚市原來有打邊爐或小菜, 夏天打邊爐簡直係享受, 所以決定打邊爐.
侍應姐姐推介呢度既招牌湯底椰子雞鍋, 見半份雞同其他鍋底都係差幾十蚊, 有半份雞食好似抵D, 所以就叫黎試下.個湯底有D椰子肉, 好清, 要先煲滾, 熄火先再放雞件浸熟佢, 所以時間上係較一般湯底耐少少, 不過傾住偈等又唔算太耐, 全程有侍應姐姐幫手整, 所以唔洗煩.
雞肉都幾多, 食落啖啖肉, 好滑溜, 因為個湯夠清, 所以唔會搶左雞既鮮味. 侍應話最合適係先食晒D雞之後先開火再打邊爐, 不過我地太餓, 所以食左一半已急不及待開火.
先淥安格斯肥牛, 紋里分明, 唔會太薄, 淥一陣剛剛熟就食得, 牛味非常濃郁, 好軟滑, 一D都唔韌, 呢碟細份都係128蚊好抵食.
仲要埋豬豚肉, 薄薄地好快熟, 入口都好嫩滑, 淥得耐左都唔鞋, 整體豬牛雞都好好味.
鮮炸響鈴每次打邊爐都要, 呢度炸得夠鬆, 過一過湯, 半脆半林, 索晒D湯都好正.
野菌拼盤有4款菇菌, 款款我都好鍾意, 最正係長條型果款, 唔係度度有得叫, 菇菌夠乾淨, 份量唔會太少.
到7點幾會有人唱歌, 主要係90年代既金曲, 感覺唔錯, 下次再黎食小菜.
Post
