華鳥風月 (Closed)

喺Lee garden附近做完嘢😝唔想新一年食咁頹！會合友人之後就衝去搵間優質料理歎一歎！呢度裝潢幾有氣氛🌟好有高級感！急不及待點菜先！ 前菜叫咗「海膽松葉蟹肉拖羅他他」😛未食已經先興奮！超級誘人嘅賣相！拖羅蓉加埋蟹肉真係鮮味一絕👍面頭仲有海膽同黑魚籽添👍用附隨住嘅紫菜包嚟食！無得輸！！然後我哋嗌咗四款燒物： 燒秋葵爽脆鮮嫩！ 燒阿波尾雞翼肉質嫩滑皮又夠脆！ 燒日本大蔥超鮮甜！燒虎蝦雞皮串超巨型好邪惡！勁好味👏👏 再嚟係鵝肝茶碗蒸！甘香嘅鵝肝配住滑捋捋嘅蒸蛋！記得趁熱食😋 最後嚟埋個金鏻鯛配自家製宮崎粟米蓉🌽連皮剛炸好嘅魚肉好脆口！一絕！連埋微微甜嘅粟米蓉食好特別😃埋完單我哋仲走咗落下一層去飲嘢！一推開門有別有洞天嘅感覺！完全唔同feel🌟叫咗兩杯好啱打卡嘅cocktail🍹🍸一路傾計一路飲！過咗好歎嘅一晚！！