批&撻專門店 (Moved) New Location

有人外賣左一盒批返黎，扁盒包裝，一盒可放到四個，Size啱啱好唔會壓扁哂啲批，不過啲批咁熱，都會有倒汗水，唔多唔少啲批都淋左，有啲野唔係新鮮係現場食梗係差啲。一盒入面好似有薯蓉批，雞批，肉醬粟米批，同海鮮批，除左薯蓉易認，其他個面都係包實實，睇唔到餡，而購買者又唔記得左，唯有博一博啦。揀左個最大嘅，有成隻叉咁長，批皮好厚，一睇已覺得飽，拎上手都好重下，好有實質感。批皮都幾鬆化，牛油落得重手，好膩，入面包住白汁長通粉，有粟米粒，蘑菇片，火腿片，蝦仔，同魷魚粒，唔知係咪就係海鮮批，唔，應該係除非唔係。