春水堂 (東薈城名店倉)

Open Now

Now Closed

去得東涌outlet，當然係盡力掃⋯⋯貨啦，唔食餐飽，邊有力逛街，仲有10幾分鐘至到12點，已經有一少條人龍，店舖有點少，好快就坐滿了。蒜泥白肉見幾十蚊叫嚟試吓，只係一般。鹵水拼盤所有都炆得好淋，老媽都食到，味道又香又唔會太咸，超推介。老爸叫嘅慢煮豬手便當，我試咗，淋至骨肉分離，好好味，老爸將湯內嘅肉丸俾我，一向對貢丸無興趣嘅我，都覺得好唔錯，肉質有彈牙感。嗜辣又怕熱嘅我當然叫個XO醬辣拌麵啦，青瓜絲令拌麵無咁「笠」口，XO醬食到有蝦干香，微辣好醒胃。之前已試過嘅蕃茄蜜凍飲，今次走糖，飲到蕃茄酸，好解渴消暑。屋企人第一次去春水堂食都讚不絕口。