名將桌球城

Open Now

Now Closed

晚上十一點幾鐘係觀塘，唔知附近仲有咩食，但知呢間樓上波樓24小時，上左黎叫餸食飯。魷魚蒸肉餅朋友至愛家常小菜，蒸肉餅就啱哂，大大碟又多魷魚，啱啱肉無筋無渣，撈飯食真係好正。三色蛋蒸三色蛋又係好好味，蛋超嫩滑，入面皮蛋同鹹蛋都好多，又係好好撈飯，比起平時飯都食多左。油菜再加多碟菜心，一餐入面有肉有菜有蛋仲唔豐富咩～白飯跟餐有白飯送，大大碗，仲熱辣辣添。熱檸水仲有餐茶，咁夜要杯熱檸水算了，雖然呢度個奶茶好得，但怕太夜飲唔係幾好，下次先啦～朋友埋單，唔係好知幾錢，但佢話好平好抵食啦。