Pop Street (Closed)

西營盤附近多左好多西餐，變左另一個soho 區，放工時間無中咁多人，可以靜靜地食野加飲杯野。星期三放工約左朋友黎飲下啤酒，呢間小店有好多fusion 既小食同啤酒，價錢唔算貴。我地叫左兩個小食，川味辣子雞軟骨($35)、爆脆墨魚大口仔配山葵醬($35) ，用黎送酒好正。Starter 我地叫左台式鹹濕鹽水手撕雞沙律($58)，Main 叫左騷味薄荷羊冧配炒薯仔($168)。我比較鍾意個羊，肉汁豐富，加上佢d薯仔炒到好香。我本身唔係好鍾意食鹽水雞，但係如果你鍾意食台灣野，可以試下呢個沙律，酸酸地，幾開胃。