蝦蝦燒

Open Now

Now Closed

逢幾個月總會一次來呢度食番一餐，可以咁講係我其中一個美食飯堂嘅好地方，就係呢間位於荃灣大鴻輝中心蝦蝦燒，最吸引一定係呢度海鮮檔約十款左右時令海鮮，絕對足夠滿足大家食慾需要，仲有冇限量生猛大頭蝦任捉，除了以上食物吸精之餘，又可以食埋多款自助串燒同甜品雪糕等，食足3小時都係$348加1，逢假期日子會貴少少入到去店員已講解清楚食用方法，隨即附上每人限定一串肥美鱔片享用當然要燒，接住呢三小時係自由發揮任飲任食，先係坐位隔離魚缸活足一堆大頭蝦，放落冰桶內浸暈一陣一隻隻鋪滿晒係燒爐上燒，係燒緊之際可以係熟食區，攞返幾款特色小食餵飽一下肚仔先，咖哩魚蛋、泰式鳳爪、拍青瓜惹味小食等𨍭頭已大蝦燒至變色熟透，趁熱食番隻蝦入口肉質爽彈唔少得吮埋蝦頭鮮甜蝦膏，咁食先最正斗，接着有多款海鮮輪住燒每款海鮮各有特色，尤其元貝、帶子、吊桶仔簡直係我首選美食，一邊燒一邊灑滿蒜蓉同牛油，咁燒特別香味俱全，又食到啖啖飽滿肉汁滋味十足再來有串燒任燒任食，燒返幾串過下口癮滿足自己，有大腸、雞皮、牛仔骨、一口牛、台灣腸仔同蒜蓉包等，再自製埋窩夫雪糕球甜品，又品嚐了一餐海鮮放題加串燒任食晚餐。