古早味原住台灣 (Closed)

已經有一段時間無去過台灣，有時腦海會浮現出當地美食，而台菜講究古早味，咩係古早味?!  實情係台灣俚語，即係追求簡單而真實味道!可以食台菜都要搵間打正旗號係古早味嘅..............呢間就係!食物款式都幾多樣化，而且仲幾地道，今晚一於黎過台式之夜!宜蘭出名蔥，用黎整餡餅應該幾好食，咁就事不宜遲叫客宜蘭蔥餡餅  ($28)，煎至微金黃色，賣相吸引!熱度十足，入口時要小心，細細啖咬開已經有肉汁流出，香蔥粒加上豬肉餡都幾夾!呢客著名柯仔煎 ($52)無潮式炸至脆身咁熱氣，邊位有脆口感，中間位口感係煙韌!蠔仔加埋粉漿一齊煎，再唧上茄汁，多一份酸甜味，食多件都唔覺膩!對於我呢D少湯水嘅人士黎講，凡係有燉湯供應嘅都唔會放過!  呢盎藥燉烏骨鷄 ($30)，入面有多種藥材，湯色雖然黑色，入口滿滿藥材味，仲要相當夠熱，我個人就接受到啦，趁熱飲晒先!五味透抽 ($78)，就咁睇餸名都估唔到係咩東東，睇相就知係凍魷魚混入秘制醬汁，味道鮮味又帶少少辣，相當好味!古早味滷白菜 ($58)，煮得腍身又清甜嘅旺菜索入濃味醬汁，面頭再加上滷肉碎，相當惹味!黎得食台灣菜，點都要食碗牛肉麵先似樣!  呢碗古早