古早味原住台灣 (Closed)

今日好想食台灣嘢，上黎睇依間餐廳都唔錯，決定上黎試下先😋😋無論係色調，壁畫，餐桌定係擺設，餐廳裝修好有台灣寶島嘅感覺。朋友叫做一個魯肉飯便當🍱 便當好精緻，有送埋例湯，同埋盒裡面有幾個細格都裝左幾種唔同嘅小菜，食落都好清新。魯肉食落都好夠味，唔會太鹹，調味都唔錯。我就叫左個嘉義雞肉便當。同樣都係有相同嘅例湯同埋小菜。雞肉醬汁係唔錯，撈飯食好好味👍🏻但係今日嘅雞肉煮得略為老左啲，無咁嫩滑。總括黎講，餐廳嘢食都ok, 環境好舒適，係適合悠閒傾計嘅地方。