廣成冰室 (Under Renovation)

咁岩去開上水行下，就諗起廣成，佢賣嘅野同門面一睇就知係食懷舊味。餐牌好簡單﹕早餐/茶餐平時通常都要排好耐隊，今日條隊短左，可能未到lunch hour，都算快入到去。我就揀左茶餐牛肉通/蛋治/凍奶茶少甜加個菠蘿油。菠蘿油先上左個菠蘿油，搵支叉壓一壓包面即刻彈番上黎就知係好包，配埋牛油真係無得彈。奶茶係舊式冰室傳統絲襪奶茶方式泡制，茶香得黎又濃。薑絲牛肉通粉牛肉夠腍同埋無梳打粉果種感覺，個湯清清地，配合薑絲唔會覺得辣之外仲好夠味雞旦三文治蛋份量好多，佢係無加牛奶整的，唔係炒滑蛋果種。蛋汁滲晒落個包到而且大大啖真係好正。