Video
Read full review
2017-07-27
6226 views
宜家呢個世代，如果想食出食材嘅鮮味，途經已經唔多，好多時，都比調味料等等嘅其他角色去取替左本身食材嘅嗰種鮮味。如果真係想食嘅話，以下落嚟所講嘅所有野，就絕對絕對係一份肯定🤓👍🏿位於尖沙咀厚福街嘅呢間潮福蒸氣石鍋，絕對係不二之選😀一個價錢吃到飽，加上啱啱經過重新裝修嘅佢，煥然一新，絕對食得舒服❤️先俾大家睇睇餐廳嘅環境，枱與枱之間都尚算闊落，夠晒光猛，望遠少少，一個大型開放式嘅魚缸位，除咗可以睇到新鮮嘅海鮮之外，有啲食法仲可以親自出去揀選海鮮添🙈(不過今晚小編冇得禁做😂)睇睇個餐牌先，上面呢張紙其實就已經係餐牌，任飲任食嘅意思，其實最主要係講右邊用黎後期追加嘅配料👌🏿左面嘅位置，其實可以由上方開始睇起👀最上方，可以先揀粥底。因為上層係用嚟蒸食材，下層就係一個粥底👍🏿今晚小編所揀嘅就係瑤柱鮮淮山粥😀揀完粥，可以睇右一格，就係揀每人一碗嘅滋潤燉湯😀小編所揀嘅就係姫松茸燉螺肉😍不如就有呢個湯開始慢慢講啦🤗呢個就係啱啱所講嘅燉湯啦，大家可以睇到入面嘅食材一啲都唔馬虎！ 細細個原隻燉盅，入面除咗有螺肉之外，當然仲有啱啱講嘅姫松茸，兩者嘅份量都唔少，不過食落味道就唔太濃烈，螺肉嘅味道都比較淡身🤷🏿♂️
位於尖沙咀厚福街嘅呢間潮福蒸氣石鍋，絕對係不二之選😀一個價錢吃到飽，加上啱啱經過重新裝修嘅佢，煥然一新，絕對食得舒服❤️
先俾大家睇睇餐廳嘅環境，枱與枱之間都尚算闊落，夠晒光猛，望遠少少，一個大型開放式嘅魚缸位，除咗可以睇到新鮮嘅海鮮之外，有啲食法仲可以親自出去揀選海鮮添🙈(不過今晚小編冇得禁做😂)
睇睇個餐牌先，上面呢張紙其實就已經係餐牌，任飲任食嘅意思，其實最主要係講右邊用黎後期追加嘅配料👌🏿左面嘅位置，其實可以由上方開始睇起👀
最上方，可以先揀粥底。因為上層係用嚟蒸食材，下層就係一個粥底👍🏿今晚小編所揀嘅就係瑤柱鮮淮山粥😀
揀完粥，可以睇右一格，就係揀每人一碗嘅滋潤燉湯😀小編所揀嘅就係姫松茸燉螺肉😍不如就有呢個湯開始慢慢講啦🤗
呢個就係啱啱所講嘅燉湯啦，大家可以睇到入面嘅食材一啲都唔馬虎！ 細細個原隻燉盅，入面除咗有螺肉之外，當然仲有啱啱講嘅姫松茸，兩者嘅份量都唔少，不過食落味道就唔太濃烈，螺肉嘅味道都比較淡身🤷🏿♂️
不過唔使失望住，飲啖湯先，你就知道其實係啲食材味道，都燉到出晒來，落晒個湯度！！啖湯嘅嗰啖鮮味，真係唔係度度都做得到😍
飲完個滋潤燉湯之後，我所嚟嘅就係呢個紅燒乳鴿🙈經過選擇之後，如果揀選呢個乳鴿，每位客人會有半隻👍🏿不過，呢個都建議新鮮熱辣食，因為餐廳亦都即叫即整，經過紅燒嘅佢，做到外脆內軟，絕對可以同一啲乳鴿專門店做比較😀
上圖嘅食材就真係不得了，所有食材都係小編經過選擇後得出嘅結果，因為大家睇餐牌就知，其實唔係所有海鮮都係任食，唔係所有海鮮都可以選擇食曬既👌🏿
由左起: 係貝殼盛盆👍🏿入面全部係唔同大小既貝殼食材，由細至大都有size既蜆😀好鮮甜架！
個盆旁邊既就係: 生猛龍蝦👍🏿雖然每人得半隻，不過真係超級大隻架唔係講笑😧👍🏿
而最近鏡既就有: 大元貝，桶蠔，鮮鮑魚，同埋北寄貝😍👍🏿樣樣都好新鮮架！
係等緊d野食既時候，大家可以先飲下野👍🏿櫃入面有9成既野都係仼飲既🙈9成既意思係因為例如Apple cider呢d就要另外比錢先有得飲既😉
不過大家要小心，呢度就唔主張自己開櫃拎飲品既，因為怕大家整親🙈所以大家想飲乜，即本叫樓面姐姐幫你拎就得架啦😊
首先蒸起食得既，就係貝殼盛盆入面既呢d新鮮蜆仔啦😍見到超高溫蒸完後，每一隻都開曬口，每一隻既顏色都好鮮，同佢既味道一樣👍🏿大隻又正 細隻又正！都完全唔洗加調味料先再食，因為本身佢既鮮味，再帶有少量海水既咸味👍🏿真係好正👍🏿
再黎既，就係左邊既北寄貝👍🏿同右邊既美國桶蠔👍🏿先講左面既北寄貝，餐廳已經先將佢切成條狀上碟，所以令到易熟之餘，又方便食用😊雖然佢唔及岩岩d蜆禁鮮味多汁，不過配埋粉絲食，都唔錯架😀
右邊既蠔就不得了啦，因為小編好鍾意食蠔，所以本身已經加左分🤣不過本身既佢又真係好正既，大家可以見到佢真係好肥大肉厚架😍就算蒸完出黎都重係大大舊，食落口又唔會有陣腥臭味😍👍🏿真心推介👍🏿
嘩，大大隻龍蝦，蒸完出黎既呢一刻💦，真係唔洗講啦下嘛😃蒜蓉蒸龍蝦，你叫人點忍先🤣😍
以上既呢d就係食完海鮮，之後追加仼食既配料之一黎，雖然選擇真係唔算多，不過一定包你飽囉😀質素都唔太差架😉當中包括例如 : 爽脆豬頸肉，手剁先蝦丸，勝瓜件，及百花釀花菇等等👍🏿
另外重有好多款仼食配料比客人選擇架，包括埋蔬菜添，所以梗有d岩大家心水既😊
順帶一題，餐廳既配套其實幾好👍🏿都準備左大量多款醬料調味比大家用既🙈
食曬蒸既野，蒸到唔想再蒸既話，就要食埋個鍋底既呢個粥啦！！千期唔好唔記得要食埋佢，唔好禁浪費呀😀因爲呢個粥都係成餐飯既其中一個精髓黎架，頭先蒸野果陣，各食材蒸出黎既鮮味同汁都直接落曬呢個蒸度架啦😍所以你食呢個粥既時候，都真係會食到有d鮮味既👍🏿小編選擇左既粥底係瑤柱准山，入面既瑤柱唔多，不過准山都好鮮，又大舊，如果唔留肚，真係唔知點食埋佢🙈
總結係，想食鮮味，呢間潮福真係強烈推介👍🏿價錢雖然比一般打邊爐既貴，但係食既野唔同，質素高，真係絕對值得👍🏿加上，岩岩裝修完既佢，都坐得好舒服，大家真係不妨試試呀🤗🤗
**餐廳另外會收每枱酸菜$15，茶芥醬油每位$15架🤤🤤
Post
