Olive ERA (Closed)

之前聽朋友講黃大仙有間食西餐既餐廳係現崇山廣場都唔錯，所以今日就同埋友好一齊黎食番個dinner! 一去到個商場門口附近就見到間餐廳，裝修都幾grand, 有室內同室外用餐既地方，店員安排左我地坐係室內有冷氣既地方用餐，我地睇完menu後就叫一個dinner set B （$178）；香烤原條新鮮鱸魚配慢煮茴香，是日餐湯麵包配伯爵茶，整條鱸魚送上碟，魚肚內放了幾片lemon 除去魚腥味👍，魚肉好鮮甜加上佢有個焗蒜頭做配菜，一層一粒粒蒜頭，真係好惹味！另外再點左個香煎西班牙黑毛豬鞍（$228），有露筍、蒜頭、紅椒、南瓜蓉伴碟，肉質嫩滑，好juicy；豬鞍肉有成寸厚 ，味道剛剛好，不會太咸😋，另外飲品點左血橙水果（$48），係紅石榴汁加橙肉，味道幾特別，甜甜地又帶點酸酸地咁，有助消化！果然朋友冇介紹錯！😉👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊