Video
Read full review
2014-11-25
323 views
因為要去一田買野, 我又好鍾意食韓國豆腐湯所以同老公去左呢間餐廳, 晚飯時間唔多人, 唔洗等位. 我點豆腐湯SET, 我老公叫石頭鍋SET. 我的豆腐湯SET可以將個白飯轉韓式壽司, 我問其中一個男侍應韓式壽司有幾多件? 佢答我5件. 咁我就加錢轉左要韓式壽司. 到壽司上檯我見只有4件, 就問番頭先個個男侍應, 佢望一望, 講左句唔好意思就拎番碟壽司入廚房.過左一陣, 有人放低左下面呢一碟野比我就行開左.我望住碟野再望一望我老公, 我話我冇眼花呀? 佢同我將本身其中一件壽司再一開二變成5件. 唔通佢以為我係白癡? 咁都睇唔出?我同我老公講我接受唔到.....我老公叫左一個侍應黎同佢講"你地黎少左一件壽司, 我太太同你講完之後你地入去將件壽司再一開二變多一件呢個行為我接受唔到"係呢個時候係我後面"汁"緊後面張檯的女侍應同我講 "廚房冇曬牛肉, 你要唔要轉雞肉呀咁"我望住佢同佢講 "咁點解你第一次放低個時唔講, 變完魔術第二次放低個時仲唔講, 要我發現接受唔到我問你地你地先講" 佢冇出聲幾秒之後再講 "咁你轉唔轉雞肉呀?" 一邊伸手想拎番碟壽司我先生同佢講 "呢碟你放低, 你補番一件比我
我點豆腐湯SET, 我老公叫石頭鍋SET. 我的豆腐湯SET可以將個白飯轉韓式壽司, 我問其中一個男侍應韓式壽司有幾多件? 佢答我5件. 咁我就加錢轉左要韓式壽司. 到壽司上檯我見只有4件, 就問番頭先個個男侍應, 佢望一望, 講左句唔好意思就拎番碟壽司入廚房.
過左一陣, 有人放低左下面呢一碟野比我就行開左.
我望住碟野再望一望我老公, 我話我冇眼花呀? 佢同我將本身其中一件壽司再一開二變成5件. 唔通佢以為我係白癡? 咁都睇唔出?
我同我老公講我接受唔到.....
我老公叫左一個侍應黎同佢講"你地黎少左一件壽司, 我太太同你講完之後你地入去將件壽司再一開二變多一件呢個行為我接受唔到"
係呢個時候係我後面"汁"緊後面張檯的女侍應同我講 "廚房冇曬牛肉, 你要唔要轉雞肉呀咁"
我望住佢同佢講 "咁點解你第一次放低個時唔講, 變完魔術第二次放低個時仲唔講, 要我發現接受唔到我問你地你地先講"
佢冇出聲幾秒之後再講 "咁你轉唔轉雞肉呀?" 一邊伸手想拎番碟壽司
我先生同佢講 "呢碟你放低, 你補番一件比我就得"
又過左一陣, 佢補番一件正常SIZE的壽司比我, 個男侍應個口就係度食緊野, 一路食一路做野, 好明顯係食緊為左整一件雞肉壽司剩下的壽司.
個女侍應就係店面同洗碗阿姐吹水, 個洗碗阿姐一直望住我. 佢地講緊咩好明顯......
呢個時候我都飽......一肚氣.
但其實我見仲有人叫牛肉, 即係唔係冇曬牛肉.....
除左服務態度差同欺騙客人之外, 如果你鍾意食香港式韓國豆腐湯, 你可以黎試下. 不過如果你係想食韓國豆腐湯的話我就不推薦呢間韓食家了.
今日上黎睇下呢間野的食評, 原來好多都係關於服務質素, 睇黎韓食家要好好教下呢間SHOP的同事.
Post
