小飛象葡國餐廳 (Closed)

Other Info. : 17:45到達，門口個姐姐話未夠18:00唔比入，ok，咁我準時先到啦。到左之後，竟然同我講話無我資料，咁我就話佢知，我原本book12月31日，但係一個月後先打比我話呢日唔做團購(買個陣完全無話呢日唔得囉)，叫我改第日，所以個經理幫我改左呢日，咁佢就話搵到，話個同事無幫我寫，好，我都算。坐低見到有張紙係任食，仲有燒蠔喎，咁梗係那那臨落單啦，等左30分鐘就問個侍應，佢話要等埋其他人落單先，要我再等下先(唔通無人落單，我就無得食、一路等？？)，再過多15分鐘我再落單催佢，佢話幫我跟跟；好喇，前後等左一個鐘，我終於忍唔住，呢次就話個同事唔記得幫我落單囉，附近D客人都係咁催，D侍應夠膽死話 : 食呢D係要等架啦，唔通即刻比你有得食咩？？？？xyz.....火都黎囉，叫個主任過黎又變左第二個解釋，呢次就賴個電腦系統有問題，15分鐘內比我。okok，我又再期待一下啦；終於等到喇，燒左1個鐘15分鐘，燒出黎完全唔熱，係可以用手拎住o既內凍內暖o既燒生蠔囉，xyz......我未試過差得咁緊要囉。呢刻嬲到走，但係我唔記得比呢個$24服務費(無服務o既服務費)，即刻有兩個人衝出黎追我比錢，下？？？？幫我追o野食又唔見佢咁積極，錢就追住要我比。呢間死人小飛象，請我都唔會再黎呀，不知所謂.....................