Video
Read full review
2011-08-20
38 views
ok, 第一次留言就比個喊我都唔想...但真係食到好激氣, 唯有借openrice抒發下...事原happy friday係每個打工人士都好期望既一日, 朋友r同q一朝就約埋放工食下飯, 做曬research搵間ok既餐廳relax下....左睇右睇完之後, 我地根據另一個朋友既推介下, 選擇富記一試, 一心諗住有餐安樂茶飯食, 點知係惡夢既開始...都知道因為多人, 朋友q用左一個下午既時間打電話訂位.一直打到4點先有人接, 原來佢地唔開早午市既, 白痴左tim...但總算有位!終於到左8點上到去等入, 點知一出電梯開已經有20多個人等緊...我地3個仲暗自開心有訂位可以好快入, 點知丫姐話我地係第4張, 要等陣, 唔知到幾點ok, 我等! 但一等係一個鐘之後先入到去...又焗空氣又唔留通, 咩食慾都冇左一半!!!其實中間有walk in客比我地遲黎, 但早過我地入去...(好一個遲黎先上岸!)而且, 有訂左位既食客未黎, 佢地個位都要hold起先, 唔會比下一張既入去先, 一直等到佢地黎到入席, 先可以繼續輪(唔知好定唔好啦~)最燥係, 好多吉位, 不過個丫姐都唔放等緊位既食客入去
事原happy friday係每個打工人士都好期望既一日, 朋友r同q一朝就約埋放工食下飯, 做曬research搵間ok既餐廳relax下....
左睇右睇完之後, 我地根據另一個朋友既推介下, 選擇富記一試, 一心諗住有餐安樂茶飯食, 點知係惡夢既開始...
都知道因為多人, 朋友q用左一個下午既時間打電話訂位.
一直打到4點先有人接, 原來佢地唔開早午市既, 白痴左tim...但總算有位!
終於到左8點上到去等入, 點知一出電梯開已經有20多個人等緊...
我地3個仲暗自開心有訂位可以好快入, 點知丫姐話我地係第4張, 要等陣, 唔知到幾點
ok, 我等! 但一等係一個鐘之後先入到去...又焗空氣又唔留通, 咩食慾都冇左一半!!!
其實中間有walk in客比我地遲黎, 但早過我地入去...(好一個遲黎先上岸!)
而且, 有訂左位既食客未黎, 佢地個位都要hold起先, 唔會比下一張既入去先, 一直等到佢地黎到入席, 先可以繼續輪(唔知好定唔好啦~)
最燥係, 好多吉位, 不過個丫姐都唔放等緊位既食客入去...真係唔知咩帶位理論!
終於入到去, 拿拿聲落order, 叫左法式片皮雞加黃金蝦(套餐價), 冰鎮芥蘭(balance下冇咁油膩).
原先仲想加埋個蜜糖脆鱔, 但一時記唔起個名, meun又冇呢款野, waiter又唔知呢個菜名, 終於我地決定搵到個名先再加單, 另外都想睇下叫左既野有幾大份先.
早先到係青瓜, 普通青瓜, 唔開胃, 冇咩特別.
之後係冰鎮芥蘭($58/十條)
我自己覺得ok, 唔點豉油都冇咩所謂. 食落都爽脆, 但比較老身, 所以都多纖維, 要咬多幾下...而朋友就覺得唔係咁好食!
食緊既同時都好快上埋 法式片皮雞同黃金蝦!
先食左法式片皮雞(8件加一舊肉)
頂係炸子雞肉連皮, 中間係似冇乜處理過既鵝肝, 最底係炸饅頭.
可能期望大加埋等位受既個道氣, 唔覺得有咩特別!
一次過咬, 只係食到偏甜既炸饅頭味, 中間既鵝肝因為冇經任何處理, 唔覺香或者入口溶化咁...至於雞...個皮都脆既...
但食到第2件, 見到個吸到一半都係油既炸饅頭, 已經唔係好想食...
我地都覺得, 如果底層係法飽, 成件事都好好多...
黃金蝦(一碟滿)
蝦肉唔係梅, 個蝦殼都可以食埋既...不過因為太油, 我只係食左一隻, 之後就搣殼食....
最後我地唔飽, 加左2個白飯同一個香橙牛仔骨, 希望唔使搵下場...
香橙牛仔骨酸酸地突然醒到下個胃, 好在有d鮮橙粒令個人清醒返!!!
但個牛仔骨有d "un", 同埋加左幾多"料", 有dd苦味....加埋個司各脫色既汁...其實都係一般啦...
比錢之前每人送左一碗紫米露, 有入口即溶既西米同粟米...
但每人都只係食左少少, 因為之前既食物都太油, 唔再想食...
咁多樣打擊之下, 我地都好快叫埋單...
比完錢之後我地等左成個字都未見有人找返錢比我地, 雖然係十零蚊, 但唔係找咁耐咖...
加上我地對住收錢位, 收左我地錢既丫姐係冇意慾或者行動去找錢比我地!!!!(其間都唔見其他員工有比錢佢收)
咁唔對路, 我地都忍住道氣問一個好似經理既員工發生咩事, 點解唔找錢?
佢都有幫我地睇既, 但期間我地見到呢2位員工交談左幾句, 再黑面咁找錢比我地
最後, 我地冇比任何tips!
十幾蚊tips我地唔係冇能力去比, 而係值唔值得因為得到咁既服務而仲要比呢??!!!
仲要係我地唔問, 呢間食店既員工亦都冇正常咁找返比我地呀!!唔通呢間食店係不設找續??但我又見唔到有任何指示wor!(當然我地都冇比過任何signal話唔找錢)
咁算係咩態度??
總括黎講, 外出食飯都係但求好食同有合理既服務(好當然係bonus!)
但呢次既經驗, 真係令我好失望...
當然啦, 冇下次!
Post