Video
Read full review
2018-12-24
559 views
天氣轉涼，見到98蚊(最後收左每位118)任食，又見小店，同朋友黎試一下，點知食到一肚火，伏伏伏伏伏，一點一點講下，要食自己諗。1. 環境咁街坊小店，都預左地方淺窄，可能今日都有小雨，地面就濕立立啦，放左紙皮在自助櫃下，企上去係有水湧番出黎咁，店旁圍住好多人食煙，不過都係果句，預左。2. 食物98蚊到底有咩食呢？雞煲當然食雞，2人食，大約半隻雞仔，冇得追加。好，加湯打邊爐，肥牛？冇、海鮮？冇、響玲？冇，你諗得出打邊爐要有的都係冇。咁有咩食呢？係得墨魚丸，芝士丸，牛丸，浸到變黄的菜，同慘白色的雞肉腸。。。等了又等，問完又問，終於有小量結冰牛肉。良心講句，老闆煮野唔差，雞也算可以，但真係冇選擇 ，小店衛生不提，自助食物亦唔新鮮。3. 服務 (趕客的姐姐們)比沒有服務還要差的服務。入內前問左98蚊一位食雞煲，姐姐放低煲放低張單，講一聲入座時間就走了。雞熟未呢？唔知，唔緊要，自己試一下。食到咁上下，想加湯？自行加湯，也可，小店嘛。但正如上述，食物種類少，可能姐姐很忙很忙，一直沒有refill ，食物櫃的碟都七零八落，亦無清楚名牌，問姐姐，有冇肥牛豬頸肉？肥牛加錢，豬頸肉冇，咁有咩？叫我自己睇櫃
1. 環境
咁街坊小店，都預左地方淺窄，可能今日都有小雨，地面就濕立立啦，放左紙皮在自助櫃下，企上去係有水湧番出黎咁，店旁圍住好多人食煙，不過都係果句，預左。
2. 食物
98蚊到底有咩食呢？雞煲當然食雞，2人食，大約半隻雞仔，冇得追加。好，加湯打邊爐，肥牛？冇、海鮮？冇、響玲？冇，你諗得出打邊爐要有的都係冇。
咁有咩食呢？係得墨魚丸，芝士丸，牛丸，浸到變黄的菜，同慘白色的雞肉腸。。。等了又等，問完又問，終於有小量結冰牛肉。
良心講句，老闆煮野唔差，雞也算可以，但真係冇選擇 ，小店衛生不提，自助食物亦唔新鮮。
3. 服務 (趕客的姐姐們)
比沒有服務還要差的服務。入內前問左98蚊一位食雞煲，姐姐放低煲放低張單，講一聲入座時間就走了。
雞熟未呢？唔知，唔緊要，自己試一下。食到咁上下，想加湯？自行加湯，也可，小店嘛。
但正如上述，食物種類少，可能姐姐很忙很忙，一直沒有refill ，食物櫃的碟都七零八落，亦無清楚名牌，問姐姐，有冇肥牛豬頸肉？肥牛加錢，豬頸肉冇，咁有咩？叫我自己睇櫃。做街坊生意竟然如此服務態度。
朋友說他看見廚房內有其他食物，見等很久都沒有放出黎，決定去看一看。老闆好好，見我在看，問我要咩。我問佢，有冇其他肉呢？老闆答有，有豬和牛(但我地食左成個鐘都未見過)，正當我滿心歡喜終於有肉之際，姐姐竟然搶答話冇哂！？老闆堅持話有，姐姐先話"呀，有呀，未得閑放，食住其他先啦"。下。。再等10分鐘，總算有一小碟牛肉，豬？還是消失中，但我都只是拿幾片，留難得的肉給其他食客。。
4. 結帳 (118 而唔係98？)
坐多一陣去埋單，姐姐話要118！？
我問“入黎前你同我地講98？”
佢話"張單寫左你入座時間，60分鐘就98，依家過左3個字就118"
我話冇人同我地講過會加錢，亦冇人提醒60分鐘時間已到？
但佢只係話，張單寫左時間要自己睇，我唔知你邊枱唔會提你！
我再講，但你牛肉遲遲沒有，亦一直冇refill食物。佢只話，可能佢忙冇添加，但時間過左就係118。
118，算了。但如此收費手法，如此食物質素，如此服務態度。
60分鐘自行計時，比一般餐廳更趕，還要等水滾，還要等食物熟呢？超時自動加錢，提一提，超過1.5小時再加錢。
如要和朋友吹水飲酒( 另外收費 )。。奉勸小心看鐘。
食物櫃和空碟子
107 views
0 likes
0 comments
Post
