Video
Read full review
2009-12-28
6 views
諗住隨便入一間餐廳食嘢﹗點知咁就出事﹗激死﹗果晚叫左兩個SET DINNER，一個係紅酒西冷扒，一個係牛柳加天婦羅軟蓋蟹。兩個紅湯黎到好快，都預左唔好飲，結果真係好油。餐包反而唔錯，至少係熱O既。跟住個西冷扒都上埋。不過，果塊黑黑實實的扒呢....只能夠講，係一塊熟的肉。等緊另一個SET 上時，諗住叫一杯凍檸茶，想佢糖水另上。個侍應話杯檸水冇得糖水另上，話已經一早沖好，加左糖水。咁我問檸水走甜丫﹗咁又得喎﹗又話一早沖好﹗結果，杯走甜檸水到時，才叫「另一個」侍應姐姐俾杯糖水至搞掂。已經一肚火，繼續等碟天婦羅軟蓋蟹加牛柳。跟住上左碟牛柳.......但唔見左隻蟹LOR﹗又要叫阿姐跟跟佢。終於等佢換過碟，一黎到，已心知不妙。我落單要七成熟的牛柳，佢俾件唔多熟O既我﹗我已經諗住算啦﹗切開佢，睇下可唔可以照食啦﹗但真係出哂血LOR﹗又要叫阿姐啦﹗佢成碟攞走，話要將佢重新煎過。我即刻問︰「你打算就咁重新煎過再上碟俾我呀？」佢話係咁做喎﹗嬲到我即刻走去櫃面，問清楚經理「我落單時要求塊牛柳七成熟，宜家黎左碟唔熟的，個侍應話原碟煎過，請問你地係咪咁做架？」個經理即刻問我邊一枱，話即刻煎過俾我。但已經激到
果晚叫左兩個SET DINNER，一個係紅酒西冷扒，一個係牛柳加天婦羅軟蓋蟹。兩個紅湯黎到好快，都預左唔好飲，結果真係好油。餐包反而唔錯，至少係熱O既。跟住個西冷扒都上埋。不過，果塊黑黑實實的扒呢....只能夠講，係一塊熟的肉。
等緊另一個SET 上時，諗住叫一杯凍檸茶，想佢糖水另上。個侍應話杯檸水冇得糖水另上，話已經一早沖好，加左糖水。咁我問檸水走甜丫﹗咁又得喎﹗又話一早沖好﹗結果，杯走甜檸水到時，才叫「另一個」侍應姐姐俾杯糖水至搞掂。
已經一肚火，繼續等碟天婦羅軟蓋蟹加牛柳。跟住上左碟牛柳.......但唔見左隻蟹LOR﹗又要叫阿姐跟跟佢。終於等佢換過碟，一黎到，已心知不妙。我落單要七成熟的牛柳，佢俾件唔多熟O既我﹗我已經諗住算啦﹗切開佢，睇下可唔可以照食啦﹗但真係出哂血LOR﹗又要叫阿姐啦﹗佢成碟攞走，話要將佢重新煎過。我即刻問︰「你打算就咁重新煎過再上碟俾我呀？」佢話係咁做喎﹗嬲到我即刻走去櫃面，問清楚經理「我落單時要求塊牛柳七成熟，宜家黎左碟唔熟的，個侍應話原碟煎過，請問你地係咪咁做架？」個經理即刻問我邊一枱，話即刻煎過俾我。但已經激到呢.....
呎個SET算OK啦﹗除左D薯菜「林」哂之外，塊肉還可以。雖然已經冇哂肉汁，仲要有渣，但已經好過第一塊。
不過，我都唔算最慘，搞咁多嘢，都可以喺半小時內有得食。坐我隔離枱的阿伯，叫左個豬扒飯，點知過左半個鐘後居然黎左個羊肉煲。O哂嘴﹗再等多廿分鐘，催多次至黎到。
今時今日，咁O既服務態度......對唔住，有服務咩.....我吥﹗
Post