Burger Begin (Closed)

📍Burger Begin (紅磡)紅磡蕪湖街58號金達閣地下1號舖皇牌鵝肝漢堡🍔價錢：$108老闆同我哋講，呢個皇牌漢堡好多回頭客返嚟食。的確無講錯，鵝肝真係好厚，而且味道甘香，果種油油嘅口感，真係充滿住整個口腔。質感幼滑，配合牛味濃厚嘅漢堡扒，肉汁豐富，整體非常之夾。唔係講笑，絕對可以一試😎😎😎黃金漢堡🍔價錢：$58叫得黃金漢堡，當然係加咗蛋黃入去。老闆同我哋介紹嗰陣，就話將蛋黃混入醬汁入邊，令到個漢堡有三重唔同感覺。食落的確同出面嘅有啲唔同，蛋黃味道嘅感覺唔算好重，但係醬汁的確令到個漢堡有升華嘅效果，而且價錢亦都唔貴，鍾意特別醬汁嘅味道嘅朋友，呢款黃金漢堡真係值得推介👍👍👍日式免治雞肉軟骨熱狗🌭️價錢：$36用咗兩條免治雞肉軟骨代替咗平時食開嘅香腸，口感相當特別，雞肉夠嫩，食落去質感配合有另類嘅感覺，我覺得幾好食😋😋😋炸雞配秘製辣沙律汁🐔價錢：$38炸雞即叫即炸，非常之脆口，而且咬落去，第一口有種爆汁嘅效果。雞肉肥瘦適中，外脆內軟，配埋秘製嘅辣沙律醬，味道出奇地好味🥰🥰🥰炸薯條配和風紫菜粉🍟價錢：$26薯條新鮮熱辣辣，加上我最鍾意嘅和風紫菜味道，真係食到停唔到口😁😁😁青檸味味梳打水