Video
Read full review
2018-10-02
2981 views
今晚去咗間平時成日經過，但每次都唔記得咗去嘅地方。因為佢個位真係幾隔zip...不過又因為隔zip，所以先至環境僻靜，唔會好多人，基本上唔訂枱walkin都會有位。一個好傳統特色的泰菜餐廳，帶住兩個小朋友，逼於無奈都係食D好typical嘅菜式。不過又確實有D驚喜，雖然係耳熟能詳的 菠蘿炒飯、炒金邊粉、串燒同埋小食拼盤。但係全部味道都不普通，好食過自己原先想像。炒飯唔會因為吸哂D菠蘿汁攪到好濕，D飯粒仍然係好爽，仲有蝦真係好大隻，撈埋面上肉鬆同腰果一齊食，真係特別正。金邊粉好幼好滑，小朋友勁鍾意食，食到完全成餐都冇講過嘢同分心，好專心咁一直食到最後。小食拼盤好正唔係春卷，反而係平時最唔想食嘅煎魚肉同蝦餅(因為一食就會飽哂)D肉好明顯真係人手打過, 如果唔係冇可能咁彈，件件都好似有空氣喺裡面咁好脹好彈，食完一啖即刻想食第二啖。串燒都係超驚喜之作，因為不論牛豬雞，串串肉質都唔老，好有咬口，唔會燒到又燶又乾。最正係個串燒醬，有花生香﹐辣度適中。嘢食真係好OK，反而係飲品我覺得一般。紅豆冰只係feel到椰汁味，紅豆唔多，我個人鍾意大乍樂嗰種紅豆爛蓉蓉，唔鍾意一粒一粒感覺好生。菠蘿冰仲菠蘿味汔水
不過又因為隔zip，所以先至環境僻靜，唔會好多人，基本上唔訂枱walkin都會有位。
一個好傳統特色的泰菜餐廳，帶住兩個小朋友，逼於無奈都係食D好typical嘅菜式。
不過又確實有D驚喜，雖然係耳熟能詳的 菠蘿炒飯、炒金邊粉、串燒同埋小食拼盤。
但係全部味道都不普通，好食過自己原先想像。
菠蘿炒飯
56 views
0 likes
0 comments
炒飯唔會因為吸哂D菠蘿汁攪到好濕，D飯粒仍然係好爽，仲有蝦真係好大隻，撈埋面上肉鬆同腰果一齊食，真係特別正。
泰式炒金邊粉
46 views
0 likes
0 comments
金邊粉好幼好滑，小朋友勁鍾意食，食到完全成餐都冇講過嘢同分心，好專心咁一直食到最後。
小食拼盤(細)
32 views
0 likes
0 comments
小食拼盤好正唔係春卷，反而係平時最唔想食嘅煎魚肉同蝦餅(因為一食就會飽哂)
D肉好明顯真係人手打過, 如果唔係冇可能咁彈，件件都好似有空氣喺裡面咁好脹好彈，食完一啖即刻想食第二啖。
串燒
33 views
0 likes
0 comments
串燒都係超驚喜之作，因為不論牛豬雞，串串肉質都唔老，好有咬口，唔會燒到又燶又乾。最正係個串燒醬，有花生香﹐辣度適中。
嘢食真係好OK，反而係飲品我覺得一般。紅豆冰只係feel到椰汁味，紅豆唔多，我個人鍾意大乍樂嗰種紅豆爛蓉蓉，唔鍾意一粒一粒感覺好生。
紅豆冰
19 views
0 likes
0 comments
菠蘿冰仲菠蘿味汔水多D，菠蘿肉唔多!
菠蘿特飲
25 views
0 likes
0 comments
不過整體還是OK，值得再來。
BTW 冷氣真係超大，吹到D食物凍哂!
Post
