牛涮鍋 (Closed)

一眾同事午市出黎食火鍋放題，揀左食美國特上牛肉餐，加埋coupon同積分等優惠，人均一百蚊左右，價錢真係好抵，哈哈，可以瘋狂食牛肉！由於有成十個人，訂左枱都要等一陣，咁一有位即刻爭取時間拎飲品同其他食品。飲品有汽水機同熱水，拎左杯提子味汽水，激甜...湯底要左甜豉油，個人覺得佢同牛肉火鍋最夾。等左成十五分鐘先有湯底到，即刻掉啲蔬菜落去啦。豬肉同雞肉，豬幾滑喎，好味，雞件就一般般啦，好厚好難熟。牛肉非常薄切，基本上一淥即熟，無牛味…呢個級數嘅牛真係好一般，豬肉仲好食啲。食左十幾碟牛後個湯底，哈哈，油到咁敢再淥菜食了。隻碟太大隻，而張枱又好細，搞到勁迫好難放野。午市一個鐘真係好趕，但全班人陪你一齊瘋狂食牛又真係好開心，有下次嘅。